Chef de train
Ausgesinn
![](http://upload.wikimedia.org/wikipedia/commons/thumb/b/bd/SNCF-Kap-controlleur-w.jpg/220px-SNCF-Kap-controlleur-w.jpg)
De Chef de train ass déi Persoun, déi op der Eisebunn dës Missiounen z'erfëllen huet:
- d'Opsiicht an d'Sécherheet an de Persounenzich,
- d'Opsiicht an d'Sécherheet beim Depart vum Zuch,
- d'Kontroll an de Verkaf vun den Zuchbilljeeën an den Zich,
- den Déngscht um Client.
De Chef de train dréit eng Eisebunnsuniform. Hien ass vum Geriicht vereedegt a kann, als "agent de la police judiciaire" Prëtekolle verfaassen.
Am Volleksmond gëtt de Chef de train och dacks (fälschlecherweis) "Schaffner" oder "Kaartepëtzert" genannt. Bei der SNCF ass et den agent du service commercial trains a bei der DB heescht en Zugführer.
Geschichtleches
[änneren | Quelltext änneren]Am Laf vun der Zäit hunn d'Nimm vum Zuchpersonal zu Lëtzebuerg an der Legislatioun en ettlechmol changéiert a waren och ofhängeg vun der Eisebunnsgesellschaft. Hei drënner als Beispill d'Nimm wéi se 1921 vun den zwou Haaptgesellschafte praktizéiert goufen:[1]
Guillaume-Luxembourg: | Prince Henri: |
---|---|
Hilfsschaffner | Serre-frein |
Schaffner | Garde-frein examiné |
Packmeister | Garde-train |
Oberpackmeister | Chef de train |
Zugführer | Premier chef-garde |
Zugrevisor |
Referenzen
[Quelltext änneren]- ↑ Mémorial N° 35 vun 1921, Säit 596